Author: editor5

நாட்டிலேயே குருபரிகார ஸ்தலங்களில் முதன்மையானதான ஆலங்குடி குருபகவான் ஆலயத்தில் குருப்பெயர்ச்சியையொட்டி திரளான பக்தர்கள் வழிபாடு செய்தனர். திருவாரூர் மாவட்டம், வலங்கைமான் வட்டம், நீடாமங்கலம் அருகிலுள்ள ஆலங்குடி ஸ்ரீ ஆபத்சகாயேசுவரர் ஆலயம், நாடெங்கும் புகழ்பெற்ற குரு பரிகார ஸ்தலமாக விளங்குகிறது. இங்கு குரு பகவானாக அருள்பாலிக்கும் ஸ்ரீ தட்சிணாமூர்த்தி சந்நிதியானது, ஜோதிட ரீதியில் மிக முக்கியத்துவம் வாய்ந்ததாகக் கருதப்படுகிறது. இந்த ஆலயம் நவக்கிரகங்களில் குரு தோஷ நிவர்த்திக்கு சிறப்பான தலமாகப் போற்றப்படுவதால், ஆண்டுதோறும் குருபெயர்ச்சி நாளில் ஏராளமான பக்தர்கள் குவிவது வழக்கம். இன்று (மே 26) காலை 11 மணியளவில் குரு பகவான் மிதுன ராசியிலிருந்து கடக ராசிக்கு இடம்பெயர்ந்தார். இந்த நிகழ்வை முன்னிட்டு ஆலயத்தில் அதிகாலையிலிருந்தே பக்தர்கள் பெருந்திரளாகத் திரண்டனர். சிறப்பு ஹோமங்கள், அபிஷேகங்கள், அலங்கார ஆராதனைகள் என பல்வேறு வழிபாடுகள் நடைபெற்றன. குருபெயர்ச்சி நிகழ்ந்த உடனேயே மகா தீபாராதனை நடைபெற்றபோது, “குரு திருவடி சரணம்! குருவே சரணம்!” என்ற பக்தர்களின்…

குன்னூர் ஸ்ரீ மாசாணி அம்மன் கோவிலில் ஏராளமான பக்தர்கள் பூக்குழி இறங்கி தங்களது நேர்த்திக்கடனை செலுத்தினர். நீலகிரி மாவட்டத்தின் அழகிய மலைப்பகுதியான குன்னூர் மாடல்ஹவுஸ் பகுதியில் அமைந்துள்ள ஸ்ரீ மாசாணி அம்மன் சன்னதி, பக்தர்களின் நம்பிக்கைக்குரிய பிரதான தெய்வமாக விளங்கி வருகிறது. இங்கு அம்மன் படுத்த வாக்கில் (சயன கோலத்தில்) அருள்பாலித்து வருவது இந்தக் கோயிலின் தனிச்சிறப்பாகும். சுற்றுலாப் பயணிகளும், உள்ளூர் மக்களும் அதிகம் வருகை தரும் இந்தப் புனிதத் தலம், அம்மனின் அருளால் புகழ்பெற்று விளங்குகிறது. ஒவ்வொரு மாத அமாவாசை தினத்தன்றும் ஸ்ரீ மாசாணி அம்மனுக்கு சிறப்பு அலங்காரம் செய்யப்பட்டு, விழா கோலம் பூண்டு பூஜைகள் நடைபெறுவது வழக்கம். இந்த நாளில் உள்ளூர் பக்தர்கள் மட்டுமின்றி, நீலகிரி மாவட்டத்தின் பல்வேறு பகுதிகளிலிருந்தும், அண்டை மாவட்டங்கள், தமிழகத்தின் பிற மாவட்டங்கள் மற்றும் பல்வேறு மாநிலங்களைச் சேர்ந்த ஏராளமான பக்தர்கள் அம்மனை தரிசித்து, வேண்டுதல்களை நிறைவேற்றி வருகின்றனர். அம்மனின் அருளால் தங்கள் குழந்தைகளுக்கு…

கன்னியாகுமரி பகவதி அம்மன் கோவிலில் வைகாசி விசாக பெருந்திருவிழா கோலாகலமாக நடைபெற்று வருகிறது. உலகப் புகழ்பெற்ற கன்னியாகுமரி பகவதி அம்மன் திருக்கோயிலில் வைகாசி விசாகப் பெருந்திருவிழா மிகுந்த பக்தி சூழலில் நடைபெற்று வருகிறது. கடந்த 21-ஆம் தேதி கொடியேற்றத்துடன் தொடங்கிய இந்தத் திருவிழா, வரும் 30-ஆம் தேதி வரை 10 நாட்கள் நீடிக்கிறது. திருவிழாவின் ஒவ்வொரு நாளும் அம்மனுக்கு சிறப்பு அபிஷேகங்கள், விசேஷ பூஜைகள், அலங்கார தீபாராதனைகள், அன்னதானம், வாகன பவனிகள், கலை நிகழ்ச்சிகள் உள்ளிட்ட பல்வேறு நிகழ்வுகள் பக்தர்களை ஈர்த்து வருகின்றன. திருவிழாவின் 4-ஆம் நாளான நேற்று காலையில் சிறப்பு அபிஷேகமும், அதைத் தொடர்ந்து அலங்கார தீபாராதனையும் நடைபெற்றது. பின்னர் பக்தர்களுக்கு அன்னதானம் வழங்கப்பட்டது. மாலை நேரத்தில் திருவாவடுதுறை ஆதின மண்டகப்படி நிகழ்ச்சியும், சிறப்பு நாதஸ்வர கச்சேரியும் நடைபெற்றன. இரவில் பரதநாட்டியம் நிகழ்ச்சி நடைபெற்று பக்தர்களை மகிழ்வித்தது. இதனைத் தொடர்ந்து, பலவண்ண மலர்களால் அலங்கரிக்கப்பட்ட வெள்ளி காமதேனு வாகனத்தில் அம்மன்…

குருப்பெயர்ச்சி விழாவையொட்டி தமிழகத்தின் பல்வேறு பகுதிகளில் இருந்தும் திரளான பக்தர்கள் ஆலங்குடிக்கு வருகை தருவார்கள். தமிழகத்தின் திருவாரூர் மாவட்டத்தில், நீடாமங்கலம் அருகிலுள்ள ஆலங்குடி ஊரில் அமைந்துள்ள அருள்மிகு ஆபத்சகாயேஸ்வரர் திருக்கோவில், சிவபக்தர்களின் இதயங்களில் சிறப்பான இடம் பெற்றுள்ளது. சோழர் காலத்து பழமை வாய்ந்த இந்தக் கோவில், தேவாரப் பாடல் பெற்ற 274 சிவாலயங்களில் ஒன்றாகக் காவிரிக்குத் தென்கரையில் 98-வது தலமாக விளங்குகிறது. குரு பகவானுக்கான முக்கிய பரிகாரத் தலமாகப் போற்றப்படும் இங்கு, சர்வ தோஷங்களையும் நீக்கி, வாழ்வில் வளமும் அமைதியும் தரும் என்பது பக்தர்களின் நம்பிக்கை. இத்தல இறைவன் ஆபத்சகாயேஸ்வரர் என்று அழைக்கப்படுவதற்குப் பின்னால் ஒரு அற்புதமான புராணக் கதை உள்ளது. பாற்கடலை கடைந்தபோது உண்டான ஆலகால விஷத்தை உண்டு தேவர்களை ஆபத்திலிருந்து காத்தருளியதால் இப்பெயர் ஏற்பட்டது. அதனால் ஊருக்கும் ஆலங்குடி எனப் பெயர் வந்தது. இங்கு அமைந்துள்ள விநாயகருக்கு ‘கலங்காமல் காத்த விநாயகர்’ என்ற சிறப்புப் பெயர் உண்டு. அசுரர்களின்…