சூரிய வழிபாடு என்பது நமது உடலுக்கும் மனதிற்கும் அளப்பரிய அமைதியையும் நேர்மறை ஆற்றலையும் தரக்கூடிய ஒரு உன்னத செயலாகும். தினமும் அதிகாலையில் எழுந்து சூரிய நமஸ்காரம் செய்வது உடல் ஆரோக்கியத்தையும், மனத் தெளிவையும் மேம்படுத்தும் என்பது அறிவியல் மற்றும் ஆன்மீகம் கலந்த உண்மையாகும். தினசரி இதைச் செய்ய நேரம் இல்லாதவர்கள், சூரிய பகவானுக்கு உகந்த நாளான ஞாயிற்றுக்கிழமையிலாவது முழு ஈடுபாட்டுடன் வழிபடுவது சிறப்பான பலன்களைத் தரும். ஞாயிற்றுக்கிழமைகளில் சூரிய பகவானின் அருளை முழுமையாகப் பெற நாம் செய்ய வேண்டியவை மற்றும் தவிர்க்க வேண்டியவை குறித்து தெரிந்துகொள்வோம்.
ஞாயிற்றுக்கிழமைகளில் செய்ய வேண்டியவை: சூரிய பகவான் மிகவும் எளிமையானவர். ஞாயிற்றுக்கிழமை அதிகாலையில் (சூரிய உதயத்திற்கு முன்பாகவே) எழுந்து குளித்து முடித்துவிட்டு, ஒரு சுத்தமான தாமிரப் பாத்திரத்தில் தண்ணீர் எடுத்து சூரியனை நோக்கிச் சமர்ப்பித்து வழிபட்டால் அவரின் முழுமையான அருளைப் பெறலாம்.
அதிகாலை சூரிய ஒளியில் நிற்பதும், தரிசனம் செய்வதும் உடலின் நோய்களை அகற்றி ஆரோக்கியத்தை மேம்படுத்தும். அதன்பின் சிறிது நேரம் மனதை ஒருமுகப்படுத்தி தியானம் செய்வது மன அமைதியைத் தரும்.
ஞாயிற்றுக்கிழமைகளில் தியானம் செய்வதோடு மட்டுமல்லாமல், உங்களால் முடிந்த அளவு ஏழைகளுக்குத் தானம் வழங்குவது பன்மடங்கு புண்ணியத்தைத் தேடித்தரும்.
சூரியக் கடவுளுக்கு வெள்ளை நிறம் மிகவும் உகந்தது. எனவே, ஞாயிற்றுக்கிழமைகளில் வெள்ளை நிறத்திலான ஆடைகளை அணிவதோ அல்லது பயன்படுத்துவதோ அதிர்ஷ்டத்தை ஈர்க்கும்.
ஞாயிற்றுக்கிழமைகளில் தவிர்க்க வேண்டியவை: ஞாயிற்றுக்கிழமைகளில் அத்தியாவசியத் தேவையின்றி தொலைதூரப் பயணங்கள் மேற்கொள்வதைத் தவிர்ப்பது நல்லது. மிகவும் அவசரமான அல்லது தவிர்க்க முடியாத காரியங்களுக்கு மட்டுமே பயணிக்க வேண்டும்; இல்லையெனில் தேவையற்ற அலைச்சலும் சிரமங்களும் ஏற்படலாம்.
உடல்நலக் குறைவிற்காக மருத்துவரை அணுகி புதிய மருந்துகளை வாங்கி இருந்தால், அதனை முதன்முதலாக உட்கொள்ளத் தொடங்குவதற்கு ஞாயிற்றுக்கிழமை உகந்த நாளல்ல என நம்பப்படுகிறது. இது உடல்நலத்தில் சில தேவையற்ற சிக்கல்களை ஏற்படுத்தலாம் என்பதால், வேறு ஒரு நாளில் தொடங்குவது சிறந்தது.
இந்த எளிய நடைமுறைகளைப் பின்பற்றுவதன் மூலம், சூரிய பகவானின் முழுமையான அருளைப் பெற்று ஆரோக்கியமான மற்றும் வளமான வாழ்க்கையை வாழலாம்.
